दिल्लीच्या भारत मंडपममध्ये ठिकठिकाणी भारतीय संस्कृती, इतिहासाची माहिती देणारी अशी शिल्प, रचना उभारण्यात आल्या आहेत. त्यातील प्रवेशाच्या ठिकाणीच उभारण्यात आलेलं भव्य कोणार्क चक्र पाहुण्यांच्या विशेष आकर्षणाचा विषय ठरलं आहे. ओडिशामधील कोणार्क मंदिरात (konark temple) मूळ कोणार्क चक्राची (konark wheel) उभारणी करण्यात आली होती.
द इंक न्यूज
दिल्ली : G20 Summit Delhi 2023: राजधानी दिल्लीमध्ये आज G-20 शिखर परिषदेचे आयोजन करण्यात आले असून ही बाब आपला देशासाठी अभिमानाची आहे. या परिषदेत जगभरातील प्रभावशाली देशांचे राष्ट्रप्रमुख जमले आहे.
यावेळी अध्यक्षपद दिल्लीच्या प्रगती मैदानमधील ‘भारत मंडपम’मध्ये या गटाचे सदस्य राष्ट्र, निमंत्रित राष्ट्रांचे प्रमुख, प्रतिनिधी एकत्र आले असून भारताकडे यावेळी जी २० शिखर परिषदेचं अध्यक्षपद आहे. आज व उद्या अर्थात ९ व १० सप्टेंबर रोजी ही परिषद चालणार असून त्यासाठी आज मोदींनी स्वत: भारत मंडपममध्ये सर्व सदस्य राष्ट्रप्रमुखांचं स्वागत केलं आहे.
मोदी-बायडेन यांचा ‘सुसंवाद’!
अमेरिकेचे राष्ट्राध्यक्ष जो बायडेन जेव्हा G20 परिषदेसाठी भारत मंडपममध्ये दाखल झाले, तेव्हा मोदींनी त्यांचं हसतमुखाने स्वागत केलं. यावेळी बायडेन यांचा हात हातात धरून मोदी त्यांना मागील कोणार्क चक्राविषयी माहिती देत होते. या दोघांमध्ये सुहास्यवदनाने संवाद झाला आणि त्यानंतर बायडेन पुढे गेलेत. पंतप्रधान नरेंद्र मोदींनी भारत मंडपमध्ये जमलेल्या सर्व राष्ट्र प्रमुखाचं स्वागत केलं, तिथे मागच्या बाजूला भव्य असं कोणार्क चक्र (Konark Wheel) उभारण्यात आलं आहे.
कोणार्क चक्राचा काय आहे इतिहास?
इसवीसन १३व्या शतकामध्ये राजा नरसिंहदेव पहिला यांच्या कार्यकाळात कोणार्क चक्राची उभारणी करण्यात आली होती. या चक्राला २४ आरे असून आपल्या ध्वजामध्ये हेच चित्र आपल्या देशाची गौरवशाली परंपरा सांगत आहे. लोकशाहीचं शक्तीशाली प्रतीक म्हणून कोणार्क चक्राकडे पाहिलं जातं. प्राचीन ज्ञानसंपत्ती, आधुनिक संस्कृती आणि रचनाशास्त्राचा अद्भुत नमुना म्हणून या कोणार्क चक्राची ओळख आहे. या चक्राला काळाचं प्रतीक अर्थात कालचक्र म्हणूनही ओळखलं जातं. विशेष म्हणजे युनेस्कोनं १९८४ साली ओडिशाच्या या कोणार्क सूर्य मंदिराला जागतिक वारसा (वर्ल्ड हेरिटेज साईट) म्हणून घोषित केलं ओडिशातील पुरीपासून ते अवघ्या ३५ किलोमीटर अंतरावर आहे.
Post a Comment